கடைசி என்பதன் பொருள் கடைசி என்பதன்று

கடைசி என்பதன் பொருள் கடைசி என்பதன்று

கடைசியாக ஒருமுறை

குடித்துக் கொள்கிறேன் என்றவன்

மறுநாளும் குடித்துக் கொண்டிருந்தான்

நேற்றைய கடைசி என்னவானது

என்று கேட்டவனை

முகத்தில் அறைந்து

கடைசி என்பது இல்லவே இல்லை

கடைசியைக் காட்டினால்

தான் நிறுத்தி விடுவதாக சத்தமிட்டான்

இன்றை ஆறுதல்படுத்த

மீண்டும் அவன்

கடைசியாக ஒருமுறை என்பதைப்

பயன்படுத்துவான்

அது குறித்து பொருட்படுத்த வேண்டியதில்லை

கடைசி என்பதன் பொருள்

கால ஓட்டத்தில் மாறிப் போனது

அகராதிகளுக்குத் தெரியாமல் இருக்கலாம்

கடைசி என்பதன் பொருள் கடைசி என்பதன்று

*****