புதிய பரிசாரகன்
இந்த உலகில்
உழைத்துப் பணம் சேர்த்தால்
எதையும் வாங்க முடியும் என்பவர்
அவர்
தூக்கத்தைத் தரும்
இரத்தக் கொதிப்பை அடக்கும்
சர்க்கரையைக் குறைக்கும்
வாயுவை நிறுத்தும்
மாத்திரைகள் எதுவும் கிடைக்காது
என்று
கேள்விப்பட்ட பிறகு
கிடைக்காதப் பொருளை வாங்குவதற்கு
எதற்கு உழைக்க வேண்டும் என்று
உழைப்பதை நிறுத்திக் கொண்டார்
தூக்கம் வந்தது
இரத்தக் கொதிப்பு அடங்கியது
சர்க்கரைக் குறைந்தது
வாயுத் தொல்லை நின்றது
முதல் வேலையாக
சுய முன்னேற்ற நூல்களைக் கிழித்தெறிந்தவர்
இரண்டாவது வேலையாக
உழைப்பதை நிறுத்துங்கள் என்று
பிரச்சாரம் செய்யத் தொடங்கினார்
பணமின்றி வாங்கக் கூடிய பொருள்கள்
உலகில் நிறைய உண்டென்ற
ரெளத்திரப் புன்னகையோடு
*****
No comments:
Post a Comment