நம்பிக்கையைக் கொன்ற இரவு

நம்பிக்கையைக் கொன்ற இரவு

ஒவ்வொரு மெழுகுவர்த்தியாய்

அணைந்து கொண்டு வர

இருள் கவ்வுகிறது

தான் ஏற்றி வைத்தது

நம்பிக்கையை என்று

அவள் புலம்பிக் கொண்டிருக்கிறாள்

மெழுகுவர்த்திகளின் பரிதாபக் கண்ணீரை

முடிவுக்குக் கொண்டு வந்து விட்டதாக

இருள் சொல்கிறது

கனவுகள் இல்லாத உறக்கத்தை

இரவைத் தழுவியபடி

உறங்கத் தொடங்குகிறாள்

நம்பிக்கையைக் கொன்ற இரவுக்கு

நன்றி சொல்லியபடி

*****