அழைப்பு எண்ணின் நன்றி

அழைப்பு எண்ணின் நன்றி

தொடர்பு கொள்ள முடியாத

இடத்தில் இருப்பதாக சொல்கிறது

உனக்கான அழைப்பு எண்

அந்த அழைப்பு எண்ணை

ஒரு முறை சரிபார்க்கிறேன்

கெஞ்சுகிறேன் அதனிடம்

ஒரு முத்தம் தருகிறேன்

மிகுந்த கவனத்தோடு

மனப்பாடம் செய்து கொண்டு

ஒவ்வொரு எண்ணாக

அழுத்திப் பார்க்கிறேன்

மீண்டும் தொடர்பு கொள்ள முடியாத

என்ற வார்த்தையையே

திரும்பத் திரும்பச் சொல்லிக் கொண்டிருக்கிறது

தொலைந்து விட்ட உனக்காக

 அந்த எண் போராடுகிறது

அந்த எண் மீது இரக்கம் சுரக்கிறது

ஆறுதலாய் அணைத்துக் கொள்ளத் தோன்றுகிறது

சில மணி நேரங்களில்

அந்த எண்ணிலிருந்து தொடர்பு கொள்கிறாய் நீ

அதற்கு நன்றி சொல்கிறேன்

தொடர்பற்ற காலவெளியில்

திட்டாமல் இருந்ததற்கு நன்றி என்கிறது

அந்த அழைப்பு எண்

*****