ரத்தம் சொட்டும் கண்கள்

ரத்தம் சொட்டும் கண்கள்

அமைதியைத் வெறிக்க வைக்கும்

வார்த்தைகள்

இரத்தமாய்த் தெறிக்கலாம்

இரத்தக் கவிச்சி

பீதிகளையும் வதந்திகளையும்

நாற்சந்திலும் பரப்பி

மூத்திரச் சந்தில் ஒதுங்கி

ஒரு மதுப்புட்டியில்

உறக்கம் கலைக்கலாம்

சில நாள்களில் வன்முறைகள் வேண்டாம்

சமாதானமே நல்லது என

தடையுத்தரவில் வளைக்கப்பட்டு

முடிந்து விடலாம்

முடித்து வைக்கப் படலாம்

சிந்திய ரத்தம் உடலுக்குச் செல்லாது

ஆறாத ரணமாய்

வடுவான மனிதத்தின் கண்களிலிருந்து

சொட்டிக் கொண்டிருக்கும்

ரத்தத்தைப் பிடித்து

தாகம் தணிப்பவர்கள்

காலிக் குடங்களோடு

வந்து கொண்டிருப்பார்கள்

*****