எழுதுதலின் உச்ச கட்டம்

எழுதுதலின் உச்ச கட்டம்

எழுதுவதன் மேல் பெரும் போதை

கவிதையோ கட்டுரையோ கதையோ அல்ல

அழகாக எழுதுவதன் காமம்

வளைவு நெளிவுகளில்

கவர்ச்சி காணும் வேட்கை

எழுதிக் கொண்டே இருக்க வேண்டும்

பக்கம் பக்கமாக

சில மணித்துளிகளில் வீழ்ந்து விடும்

உச்ச கட்ட இன்பம் போலல்லாமல்

நீண்டு கொண்டே இருக்க வேண்டும்

நெளிவும் சுளிவும் வளைவுகளும்

அதில் பொருந்தும் கோடுகளும் கொம்புகளும்.

*****