தண்டனை எண்கள்

தண்டனை எண்கள்

ஆண்பிள்ளைகளின் சட்டையை

அணிந்தாளென்று அவளுக்கு

முதல் தண்டனை வழங்கப்பட்டது

ஆண்பிள்ளைகளோடு

சரிக்குச் சரிமமாய் நிற்கிறாளென்று

இரண்டாம் தண்டனைத் தரப்பட்டது

ஆண்பிள்ளைகளை எதிர்த்துப் பேசுகிறாளென்று

மூன்றாம் தண்டனை நிறைவேற்றப்பட்டது

ஆண்பிள்ளைகளுக்கு அடிபணியவில்லை என்று

நான்காம் தண்டனை கொடுக்கப்பட்டது

ஆண்பிள்ளைகள் வரும் போது

எழுந்து நிற்கவில்லையென்று

ஐந்தாம் தண்டனை வாசிக்கப்பட்டது

அதற்கு மேலும் அவளை விடக் கூடாது

ஆண்பிள்ளைகளுக்குக் கீழே வைக்க வேண்டுமென்று

ஆறாம் தண்டனையாக தாலி கட்டப்பட்டது

ஏழாம், எட்டாம்,... தண்டனைகளுக்கு

அவசியமில்லாமல் போய் விட்டது.

*****