அன்பின் பிசுபிசுப்பு

அன்பின் பிசுபிசுப்பு

மூடிய உள்ளங்கையில் இருக்கும்

ஆரஞ்சு மிட்டாய்கள் உனக்காக

அடம் பிடித்து அழுது

பிசுபிசுத்துக் கொண்டிருக்கிறது

உன் நாவில் கரையப் போகும்

பொழுது நீண்டு போய்

நீ வருவதற்கு நேரமாகிறது என்பதாக.

*****

புனைவின் வியப்பு நனைவின் பயம்

உன் கூந்தல் கருநாகம் என்று

கவிதை வடித்தவர்

எவ்வளவு தைரியசாலி

முதன் முதலில் கருநாகத்தைப்

பார்த்த போது

பயமாக இருந்தது.

*****