இனிதினிது
காதல் சொல்வதற்காய்
வாங்கித் தந்த ரோஜா
பிறந்த நாளுக்கு வாங்கித்
தந்த மோதிரம்
முதல் மாதச் சம்பளத்தில்
வாங்கித் தந்த சுரிதார்
போனஸ் வந்ததென்று
கண்களைப் பொத்தி
சஸ்பென்ஸ் கூட்டி
ஒளிர விட்ட புது மாடல் செல்பேசி
வாங்கிப் போட்ட ஷேர்கள்
பத்து மடங்காக
அதை விற்று என் பெயரில்
வாங்கிய ப்ளாட்
யாவற்றினும் இனிது
நானே அறியாமல்
நானும் சொல்லாமல்
எனக்காக நீ
வாங்கி வந்து வைத்திருக்கும்
நாப்கின்கள்!
*****
No comments:
Post a Comment