கார்ப்பரேட் புத்தர்

கார்ப்பரேட் புத்தர்

முதன் முறை அரண்மனையிலிருந்து

எதற்காக வெளியேறினாரோ புத்தர்

இம்முறை அதற்காக

சங்கத்திலிருந்து வெளியேறினார்

டிராபிக் சிக்னல் மரம் ஒன்றின் அடியில்

ஞானம் பெற்ற அவர்

டைடல் பார்க்கில்

தன் முதல் பிரசங்கத்தைத் தொடங்கினார்

வரலாற்றில்

கார்ப்பரேட் புத்தர் என்று

புகழப்பட்ட அவரை

வேற்று கிரகத்திலிருந்து பார்க்கும்

பாக்கியம் பெற்றன

மனிதப் பிறவிகள்.

*****