வழக்கம் & உளைச்சல்

வழக்கம்

ரெளடி கந்தன் மிராட்டுகிறான் என

கதவடைக்கின்றனர் வணிகர்கள்

புகார் கொடுக்கின்றனர்

ரெளடி கந்தன் கைது செய்யப்படுகிறான்

சிரித்துக் கொண்டே ஜீப்பில் செல்கிறான்

வழக்கம் போல்

மாலை மாமூல் வாங்க வருகின்றனர் அவர்கள்

*****

உளைச்சல்

லோனுக்காக

பத்து முறை அலைந்து பார்த்த

அப்புக்குட்டி

அஞ்சு காசு வட்டிக்குக் கொடுக்கும்

மாடி வீட்டுக்காரரே

தெய்வம் என்கிறான்.

*****