பிரகடனம்

பிரகடனம்

கூடு கட்டி வாடகைக்கு விடாத

பறவைகளைப் பிடித்திருக்கிறது

தானுண்ட தண்ணீர் தெரியாமல்

நீந்திக் கொண்டிருக்கும்

மீன்களைப் பிடித்திருக்கிறது

உண்பதும் உலாத்துவதுமான

விலங்குகள் எல்லாம் பிடித்திருக்கிறது

நின்ற இடத்தில் நிற்பதாயினும்

மரங்களும் பிடித்திருக்கிறது

இவைகளின் ஊடாக

தானும் ஒரு சக ஜீவனாக வாழும்

மனிதர்களைப் பிடித்திருக்கிறது

இவைகளையெல்லாம் அழித்து விட்டு

தானும் அவற்றில் ஒன்றாக அழியப் போகும்

மனிதர்களையும் பிடித்திருக்கிறது

எந்த மனிதர்களையும் வெறுக்கும் எண்ணம்

எமக்கில்லை

அவர்களின் அழிவை

அவர்களே தேடிக் கொள்வார்கள்

எமக்குப் பிடித்தமானவர்

எம்முடன் கூடவே இருப்பார்கள்.

*****