அம்மாவின் நாக்கு
அண்ணனுக்காக
ஈரலைப்
பதுக்கி வைப்பாள்
அக்காவுக்குக் கொஞ்சம் கூடுதலாய்க்
குழம்பு போட்டுச் சமாளித்து
விடுவாள்
அப்பாவின் நல்லியெலும்பில்
யாரும் கை வைக்க விட மாட்டாள்
தம்பிக்குக் கொழுப்பு என்றால்
பிரியம் என்று
தனியாக எடுத்து வைத்து வைப்பாள்
காலிச் சட்டிப் போதும் என்று
அதில் கொஞ்சம் சோற்றைப்
போட்டு பிசைந்து
என்னா ருசி என்று பிசைந்து
சாப்பிடும்
அம்மாவின் முன்
ஆசையாய் ஊட்டிக் கொள்ள
அருகில் போய் நிற்பான்
கடைக்குட்டி அம்மணச் சுப்புணி.
*****
No comments:
Post a Comment