கடைசியாகச் சுட்ட மெலிந்த தோசை

கடைசியாகச் சுட்ட மெலிந்த தோசை

அப்பா எட்டு தோசைகள் சாப்பிடுவார்

கொத்து மல்லிச் சட்டினி இருந்தால்

பத்து வரை சாப்பிடுவார்

முன்பெல்லாம்

அம்மா வியர்க்க விறுவிறுக்க

சுட்டுக் கொடுக்க

பதினைந்து இருபது வரை சாப்பிட்டவர்

அண்ணன் ஆறு ஏழு வரை சாப்பிடுவான்

அக்கா ஐந்து வரை சாப்பிடுவாள்

மாவு இருந்து தோசைகள் எஞ்சி இருந்தால்

அம்மா சாப்பிடுவாள்

கடைகுட்டியாய் நான்  ஊட்டச்சத்து குறைபாட்டோடு

பிறந்ததற்காய் அடிக்கடி அம்மாவைத் திட்டுவார் அப்பா

வறண்ட கண்களில் நீர் திரள முடியாமல்

விக்கித்து தளும்பும் அம்மாவுக்கு.

*****