அது போலில்லை முத்தம்

அது போலில்லை முத்தம்

முத்தம்

மின்சாரம் போல் இறங்கும் என்றாய்

பனித்துளி போல் உயிருக்குள் சில்லிடும் என்றாய்

தீ போல் மனசுக்குள் கனலும் என்றாய்

நகக்கண்ணில் குத்தும் ஊசி போல் இருக்கும் என்றாய்

வெடிகுண்டைப் போல் கனவுக்குள் வெடிக்கும் என்றாய்

மண்டைக்குள் பட்டாம்பூச்சிப் போல் சிறகடிக்கும் என்றாய்

முத்தம் முத்தம்தான்

என்னை எதுவும் செய்யவில்லை

ஒரு கல்வெட்டைப் போல்

நினைவின் மூலையில் பதிந்துக் கிடக்கிறது

ஒரு வரலாற்று சாட்சியம் போல்தான்

ஆணுக்கும் பெண்ணுக்கும் ஆகி

குழந்தைகளோடு குழந்தைகளாக

விளையாடிக் களித்துக் கொண்டிருக்கிறது

முத்தம் முத்தம் முத்தம் சத்தமின்றி

*****