முடியாத பொழுதுகளின் பரவசம்

முடியாத பொழுதுகளின் பரவசம்

முடியும் என்பதைப் போல

முடியாது என்பதும் அழகாவது

படைப்பில் மட்டும் சாத்தியம்

உன் அழகெனும் திமிர் கொண்டு

முடியாது என்று சொல்லும்

உன் சொல்லும் ஒரு மோட்சம்

முடியாது என்று சொன்ன போது

நீ உன்னில் இருந்தாய்

அதை முழுமையாய் ஏற்றுக் கொண்ட போது

நான் என்னில் இருந்தேன்

முடியாது என்று சொல்லும்

அந்த சோம்பல் பொழுதின் சுகம் எனக்கு

முடியும் என்று அந்த வாய்ப்பில்

உற்சாகமாய் எழும் ஒருவனின்

நம்பிக்கைக் கீற்றின் வெளிச்சம் உலகுக்கு

உங்களுக்குப் புரியாது

முடியாது என்று சொல்லும் பொழுதுகளில்

திருப்தியோடு இருக்க முடிகிறது எனக்கு

இந்த அதிசயத்தை அவ்வளவு எளிதில்

புரிந்து கொள்ள முடியாது உங்களால்.

*****