வாழ்வை ஏமாற்றாதவர்கள்

வாழ்வை ஏமாற்றாதவர்கள்

வார்த்தைகள் அநேகமாக அதிகம்

பேசிப் பேசியே வார்த்தைகள்

நம்மைப் பிரிவில் தள்ளின

மேலும் மேலும் பேசிய வார்த்தைகள்

பிரிவை இன்னும் ஆழமாக்கின

மெளனமாக இருந்திருந்தால்

இணைந்து இருந்திருந்திருக்கலாமோ என்று

சில நேரங்களில் தோன்றுவதுண்டு

மறுநொடியே பேசத் தொடங்கி விடும்

மனதைப் பார்க்கையில்

சாத்தியமில்லை என்று புரியவரும்

பேசிப் பிரிந்ததன் மூலம்

உன்னை நீயோ

என்னை நானோ

ஏமாற்றவில்லை

மெளனமாக இணைந்து வாழ்ந்திருந்தால்

வாழ்வை ஏமாற்றியிருப்போம் நாம்.

*****