சிறையைப் பெயர்த்து பறத்தல்

சிறையைப் பெயர்த்து பறத்தல்

எனக்குப் பைத்தியம் பிடிப்பது போலிருந்த நாட்களில்

நான் எழுதுவதைக் குறைத்திருந்தேன்

வாசிப்பு சுத்தமாக இல்லை

சக மனிதனிடம் பேசிப் பேசிச் சோர்வுற்று

களைத்து இருந்தேன்

இனி ஒரு அடியும் நகர முடியாது

என்றிருந்த நிலையில்

எழுதத் தொடங்கினேன்

வழியத் தொடங்கியது பைத்தியகாரத்தனம்

வாசிக்கத் தொடங்கினேன்

உடலில் ஊர்ந்த புழுக்களும் பூச்சிகளும்

புத்தகத்தின் பக்கங்களில் இடமாறி

நெளியத் தொடங்கின

சிறையைப் பெயர்த்துக் கொண்டு

சிறையோடு பறப்பது போலிருந்தது

என் சிறைச்சாலையை இனி

யாருக்கும் தருவதாக இல்லை

*****