மகளோடு பேசும் அதிசயம்

மகளோடு பேசும் அதிசயம்

இனி என் மகளுக்கு

தேவதைக் கதைகள் கூற முடியாது

அந்த இடத்தை சுட்டிச் சேனல்கள்

பிடித்துக் கொண்டு விட்டன

இனி என் மகளோடு

கண்ணாமூச்சி விளையாட முடியாது

அந்த இடத்தை

மொபைல் கேம்கள் பிடித்து விட்டன

இனி என் மகளோடு

பிரியமாய் ரெண்டு வார்த்தைகள்

உரையாட முடியாது

சமூக வலைதளங்களின் பிரியங்களில்

அவள் வாழ்ந்து கொண்டிருக்கிறாள்

அவள் பூமிக்கு இறங்கி வரும் நாளில்

நாங்கள் இருவரும் கதைக்கும் உரையாடலை

அதிசயமாகக் கொண்டாடி

செய்திச் சேனல்கள்

நேரடி ஒளிபரப்பு செய்யலாம்.

*****