அது ஒரு காலம்

அது ஒரு காலம்

பாபு சலூனில்

ரகசியமாய்ப் படித்த புத்தகங்கள்

கோபு வீட்டில்

யாருக்கும் தெரியாமல் பார்த்தப் படங்கள்

பகல் பதினொரு மணிக் காட்சிக்காக

சைக்கிள் மிதித்து டவுனுக்குச்

சென்று வந்த நாட்கள்

என்று

படிப்பதில், பார்ப்பதில்

அவ்வளவு கஷ்டம் இருந்தது என்பதைச்

சொன்னால் நம்பவா போகிறான்

கையில் மொபைலோடு

மொட்டை மாடியே கதியெனக் கிடக்கும்

மீசை அரும்பக் காத்திருக்கும்

எட்டாம் வகுப்பு அப்புக்குண்டு மகன்.

*****