இருக்கைப் பிடி

இருக்கைப் பிடி

கைக் குழந்தையுடன் பேருந்தேறியவளின் கண்கள்

ஸ்டியரிங்கைப் போல் சுழல்கிறது

இடம் பிடித்து அமர்ந்தவர்கள்

இடம் கொடுக்க இயலாத மனநிலையில்

அவஸ்தையில் நெளிகிறார்கள்

அவரவர்க்கு அவரவர் களைப்பு

அவரவர்க்கு அவரவர் இடம் என்ற சுயநலம்

இறங்கும் வரை இதே நிலைதான்

என்றவள் நினைக்கும் வேளையில்

இருக்கையிலிருந்து ஒருத்தி எழுந்திருக்கிறாள்

பக்கத்தில் நின்ற இருந்த ஒருத்தி

பாய்ந்து வந்து இடம் பிடிக்கிறாள்

மாரில் தன் சிறு குழந்தையைத்

தாய்மையோடு சுமப்பது போலிருக்கிறது

இருக்கையில் வந்து அமர்ந்தவளை

அவள் பார்க்கும் பார்வை.

*****