பறக்கும் செளகரியங்கள்

பறக்கும் செளகரியங்கள்

தின்ற சோற்றின் எச்சம் போக

வீசியெறியும்

பாலீதீன் உறைகள்

பறந்து போய்

விவசாய நிலத்தில் விழும்

அதை எடுத்துப் போட்டு விட்டு

நிலத்தை உழுது

பயணம் போவோர்க்கும்

வாணிகம் செய்வோர்க்கும்

சட்டங்கள் செய்வோர்க்குமாக என்று

கடனைப் பெருக்கி உடலை உருக்கி

ரியல் எஸ்டேட் உறிஞ்சியது போக

கட்டிடங்கள் முழுங்கியது போக

எஞ்சி நிற்கும் நிலத்தை

மறுபடியும் நெல்லாக்கித் தருவான் விவசாயி

மறுபடியும் பாலீதீன் உறைகளைப்

பறக்க விடுவோம் நாம்

ஒவ்வொரு பயணத்தின் போதும்

நமக்கான செளகரியங்களே பெரிதென

*****