மீண்டும் மீண்டும் கூவல்

மீண்டும் மீண்டும் கூவல்

நிறைய முன்னேற வேண்டுமென்ற

கனவுகளோடு

ஊர்ப் பணத்தில் ஊழல் செய்து

கோயில் பணத்தில் கொள்ளை அடித்து

டெண்டர் எடுத்து

அண்டர் கிரெளண்ட் வேலை பார்த்து

மாளிகைக் கட்டி

மணம் செய்து

மனைவியை வியாதிக்குப் பலி கொடுத்து

மகனை விபத்துக்குப் பலி கொடுத்து

பூர்ணசந்திரன்

மீண்டும் ஒரு மணம் செய்து கொண்டார்

மறுபடியும் நிறைய முன்னேற வேண்டுமென்ற

கனவுகளோடு

வாழ்க்கையை முதலிலிருந்து தொடங்குவதற்கு.

*****