வேட்புமனுக்களின் நம்பிக்கைகள்

வேட்புமனுக்களின் நம்பிக்கைகள்

ஜனநாயகம் காக்க

பணநாயகத்துக்கு முடிவு கட்ட

ஊழலற்ற நல்லாட்சி அமைய

குற்றங்கள் தண்டிக்கப்பட

மக்கள் நலம் பெற

ஒடுக்கப்பட்டோர் உயர்ந்தெழ

சிறுபான்மையினோர் சிலிர்த்தெழ

இப்படியெல்லாம்

அற உணர்ச்சியை ஊட்டி

மனசாட்சியைத் தட்டியெழுப்பி விடலாம்

என்ற நம்பிக்கையில் தேர்தல்கள் நடக்கின்றன.

ஓட்டுக்குப் பணத்தைக் கொடுத்து

மனசாட்சியைக் கொன்று விடலாம்

என்ற நம்பிக்கையில் வேட்புமனுக்கள் தொடங்குகின்றன.

*****