கரை ஒதுங்காத் திமிங்கிலம்

கரை ஒதுங்காத் திமிங்கிலம்

திமிங்கிலமே

என்னை விழுங்கி விடுவாய்

சிறிய மீனான நான்

உன்னைத் தந்திரமாக

கரைக்கு அழைத்து வருவேன் ஒரு நாள்.

அதுவரை கரை ஒதுங்கிக் கிடக்கும்

நியாயங்களை

அலைகளாய்ப் பாடிக் கொண்டிருப்பேன்

கோபங்களைக்

காற்றாய் வீசிக் கொண்டிருப்பேன்

கண்ணீரை

நீர்த்துளிகளாய் கரைகளில் தெளித்துக் கொண்டிருப்பேன்

கரை ஒதுங்காத் திமிங்கிலமாய்

உன்னை கடலில் வாழ மட்டும்

அனுமதிக்க மாட்டேன்.

*****