தீராத தேர்வுப் பொழுதுகள்

தீராத தேர்வுப் பொழுதுகள்

அன்றொரு பொழுதில்

சலிப்புற்று நின்ற என்னிடம்

நுழைவுத் தேர்வுக்கான விண்ணப்பத்தை நீட்டினீர்கள்

பின்னொரு காலத்தில்

விரக்தியுற்று நின்ற என்னிடம்

போட்டித் தேர்வுக்காக விண்ணப்பிக்கக் கூறினீர்கள்

காலம் கடந்ததொரு தலைமுறை யுகத்தில்

எல்.கே.ஜி.க்கான பிள்ளைக்கான சேர்க்கைக்காக

எனக்கொரு தேர்வு வைப்பதாகப் பயமுறுத்தினீர்கள்

நாளை ஒரு பொழுதில்

பேரப் பிள்ளைகளுக்கான சேர்க்கைக்காக

தாளாத முதுமை பருவத்தில்

எமக்கொரு தேர்வு வைப்பதாக சொல்ல மாட்டீர்கள் என்று

நம்ப நான் தயாராக இல்லை

அதையும் தாண்டி நடுக்குற்ற என் விரல்களுக்கு

அப்பொழுதில்,

பேனா பிடித்தெழுதும் வலுவில்லை என்று

நான் சொல்வதை நம்ப நீங்கள் தயாராக இருக்க மாட்டீர்கள்

*****