வட்டப் பாய்ச்சல்

வட்டப் பாய்ச்சல்

தலைப்புச் செய்திகளுக்குப் பின்

அவன் எதுவும் கேட்பதில்லை

ஒரு பாடலைக் கடக்கும் அவன்

இன்னொரு சேனலின்

சண்டைக் காட்சியை நிர்தாட்சண்யமின்றி

நிராகரிப்புச் செய்கிறான்

விளம்பரம் ஓடிக் கொண்டிருக்கும்

ஒரு சேனலை வெறுப்போடு கடக்கும் அவன்

காமெடிச் சேனலில் சில நிமிடம் நிலைகொள்கிறான்

மீண்டும் மனம் பரபரக்க

செய்திச் சேனலுக்கே வந்து துழாவிப் பார்க்கிறான்

புதிய செய்திகள் ப்ளாஷ் ஆகிறதா என்று.

அவன் கையில் இருக்கும் ரிமோட்

மறுபடியும் ஒரு வட்டப் பாய்ச்சலுக்குத் தயாராகிறது.

*****