கண்ணாடியான காணவில்லை போஸ்டர்

கண்ணாடியான காணவில்லை போஸ்டர்

ஆற்றில் குளிக்கச் சென்ற

எம் பெண்டிர்களைக் காணவில்லை

குளத்தில் நீர் விளையாடப் போன

எம் குழந்தைகளைக் காணவில்லை

ஏரியில் மீன் பிடிக்கப் போன

எம் ஆடவர்களைக் காணவில்லை

கம்மாய்க் கரையோரம் கதைப் பேசச் சென்ற

எம் பெரிசுகளைக் காணவில்லை

எங்கே என்று தேடத் தேட

ஆற்றைக் காணவில்லை

குளத்தைக் காணவில்லை

ஏரியைக் காணவில்லை

கம்மாயைக் காணவில்லை

காணவில்லை என்ற போஸ்டரில்

எங்களை நாங்களே

பார்த்துக் கொண்டோம்

*****