உள்ளாடையில் பரவும் சிறுநீர்

உள்ளாடையில் பரவும் சிறுநீர்

சுதந்திரமாக சிறுநீர்க் கழிப்பதற்கான அபாயம்

நகரத்தில் உள்ளது

பாதிக் கழித்துக் கொண்டிருக்கையில்

பின்னே எவரேனும் வந்து நெட்டித் தள்ளலாம்

எதிர்பாலினர் கடக்க நேர்கையில்

வெட்கம் பிடுங்கித் தின்னலாம்

கிளம்பும் போது வீட்டில்

கழித்து விட்டு வந்திருக்க வேண்டும் என்று

தன் மேல் கோபப்படத் தெரிகிற மனதுக்கு

பெரும் கட்டிடங்களும்

வாகனங்களும்

வனப்புகளும் நிறைந்த நகரத்தில்

ஒரு கிலோ மீட்டருக்கேனும்

ஒரு பொதுக் கழிவறை இல்லையே

என்று கேள்விக் கேட்கத் தோன்றுவதில்லை.

*****