வெற்று வார்த்தையின் அடிமைகள்

வெற்று வார்த்தையின் அடிமைகள்

அவளின் அடிமைத்தனத்தை

ஏற்றுக் கொண்டு

அவளை நேசித்துக் கொண்டிருப்பதை

காதல் என்பேன்

அவள் அதை உளப்பூர்வமாக ஏற்று

வெற்று வார்த்தையின்

மகிழ்ச்சிக்காக

அடிமையாக வாழ்ந்து

அடிமையாகச் செத்துப் போவாள்

அவள் சாகும் நாளில்

மற்றொரு அடிமையை மறுமணம் செய்து

என் காதலைச் சொல்வேன் அவளிடம்

வெற்று வார்த்தையின்

மகிழ்ச்சிக்கு

மற்றொரு அடிமை தயார்.

*****