நைட்டியில் ஒரு தேவதை

நைட்டியில் ஒரு தேவதை

நீ தூக்கிச் செல்லும்

ப்ளாஸ்டிக் குடத்திலிருந்து

ஒழுகும்

ஒரு சொட்டு நீரை

தீர்த்தம் என்பேன்.

ப்ளாட்பாரக் கடையில்

பேரம் பேசி எடுத்த

நைட்டியில்

நீ உலாவுவதை

தேவதையின் வருகை என்பேன்

பருக வாங்கிய

டீ கிளாஸில் குறைந்த

சில மில்லி தேநீருக்காக

நீ போட்ட சண்டையை

உன் அழகு என்பேன்.

குடிகாரத் தந்தை

வியாதிக்காரத் தாய்

ஊனமான சகோதரனைத் தாங்கி

சலிப்பின்றி

சந்தோசமாக நீ சுமப்பதை

சத்தியமாய்க்

காதல்

காதல்

காதல் என்பேன்.

*****