அறிவுரை எனும் ஆயுதக் கொடுமை

அறிவுரை எனும் ஆயுதக் கொடுமை

எங்களுக்கு இன்னும் கூட கால அவகாசம் தேவைப்படுகிறது

எங்களுக்கு நிகழ்த்தப்பட்ட வன்கொடுமைகளை

எங்களுக்கு நிகழ்த்தப்பட்ட வன்முறைகளைப் புரிந்து கொள்ள

இன்னும் கூட கால அவகாசம் தேவைப்படுகிறது

அந்தக் கால அவகாசத்திற்கு இடமில்லாமல்

அறிவுரைகளால் எங்கள் மூளை நசுக்கப்படுகிறது

அறிவுரைகளை அவ்வளவு விரைவாகப்

புரிந்து கொள்ள நிர்ப்பந்திக்கப்படுகிறது

கொஞ்சம் கால அவகாசம் கிடைத்தாலும்

நாங்கள் சிந்தித்து விடுவோம் என்பது

அவர்களுக்குத் தெரிந்தே இருக்கிறது

அதற்கு இடந்தராமல் அடுத்தடுத்து

அவதூறுகளை வீசியெறிந்து

அறிவுரைகளை ஏற்கச் செய்கிறார்கள்

அந்த அவதூறுகள் ஒவ்வொன்றும்தான்

எங்களைச் சிந்திக்கச் செய்கிறது என்பது

அவர்களுக்குத் தெரியாது.

*****