கமுக்கம்
"அவன் வீட்டுக்கேப் போய் மிரட்டிட்டேன்!"
பந்தாவாக சொல்லிக் கொண்டிருந்தார் பரமசிவம். "எல்லாம் சிசிடிவி கேமிராவுல பதிவாயிருக்கு!"
கமுக்கமாய்ச் சிரித்துக் கொண்டார் கோசலராமன்.
*****
புதிய ஸ்டைல்
"கை, கால எடுக்குறதுல்லாம் பழைய ஸ்டைல்.
அவன் கையில இருக்குற ஸ்மார்ட் போனை மட்டும் பிடுங்கிடுங்க, பயந்துடுவான்!" மீசையை முறுக்கியபடியே தன் ஆட்களுக்கு கட்டளையிட்டுக்
கொண்டிருந்தார் கைலாசம்.
*****
பீ கேர்புல்!
"நீங்க மாட்டிகிட்டா எப்படியும் ஜாமீன்
எடுத்துடுவேன். கையில இருக்குற செல்லு மாட்டிகிட்டா எதுவும் பண்ண முடியாது." போலீஸிடம்
மாட்டிக் கொண்டால் எப்படி செயல்பட வேண்டும் என்பதை சகாக்களிடம் விளக்கிக் கொண்டிருந்தான்
கிருபா.
*****
No comments:
Post a Comment