கறுப்பும் வெள்ளையும்

கறுப்பும் வெள்ளையும்

தன்னிடம் இருந்த வண்ணக் கலவைகளால்

விதவிதமான ஓவியங்களை

உருவாக்கிக் கொண்டிருந்தான் ஓவியன்

கடவுளின் படைப்பைப் போல

அவன் கைகளிலிருந்து

வழிந்து கொண்டிருந்தன ஓவியங்கள்

ஒரு நடன மாதுவின் உடலைப் போல

சுழன்று கொண்டிருந்தன அவனின் தூரிகைகள்

வண்ண வண்ண ஓவியங்களுக்கு இடையே

ஒரு கறுப்பு வெள்ளை ஓவியத்தையும்

மனதுக்குள் அவ்வபோது தீட்டிக் கொள்கிறான்

தன்னை நேசித்தவளின் நினைவாக!

*****