மாளிகையின் டாய்லெட்

மாளிகையின் டாய்லெட்

பத்து கோடிக்கு

வீடிருப்பவன் மாளிகைக்குப்

பக்கத்தில்தான்

டாய்லெட் கூட இல்லாத

ஏழையின் குடிசை இருக்கிறது.

மாளிகையின் டாய்லெட் போல

இல்லாவிட்டாலும் கூட

ஒழுகாத ஒரு கூரை

செய்து கொடுக்க மனமிருப்பதில்லை

மாளிகைக்கு.

இரவெல்லாம் ஒளிரும் மாளிகை

இருண்டு நீர் சொட்டிக் கொண்டிருக்கும்

குடிசையை

நகைத்துப் பார்ப்பது போலவே இருக்கிறது

இரண்டு பேர் இருக்கும் தனக்கு

இருநூறு பேர் இருப்பதற்கான

சகல வசதிகளையும் செய்து கொண்டு.

*****