வாழ்க்கை ஒரு வால்நட்சத்திரம்

வாழ்க்கை ஒரு வால்நட்சத்திரம்

ஆகாசத்தில் பறக்க சிறகுகள்

இருந்தால்

நான் ஏன் தரையிறங்கப் போகிறேன்

பூமியில் ஊன்ற கால்கள்

இருந்தால்

நான் ஏன் தடுமாறப் போகிறேன்

நான் இரண்டும் இல்லாமல்

தூசி போல் அடித்துச் செல்லப்பட்டுக்

கொண்டிருக்கிறேன் காற்றுச் சுழலில்.

மாதச் சம்பளம் கடன்காரர்கள்

உறிஞ்சியது போக

எஞ்சியது இ.எம்.ஐ.க்களால்

உறிஞ்சப்படும் போது

அந்த மாதத்தைச் சமாளிப்பதற்கென

ஒரு லோன் போட்டு

அதை மறுமாதத்திற்கான

இ.எம்.ஐ. ஆக மாற்றி

மாற்றி மாற்றி மறுபடியும்

காற்றுச் சூழலில் மறுதூசியாவதன் மூலம்

சொல்லப்படுவதற்கு ஒன்றுண்டு

ஒரு வால் நட்சத்திரம் போன்றது வாழ்க்கை

*****