வீடற்றவனின் வார்த்தைகள்

வீடற்றவனின் வார்த்தைகள்

வீடிருப்பவனுக்கு

வெள்ளம் என்றும்

வேக்காலம் என்றும்

கடுங்குளிர் என்றும் சொல்ல

சொல்லிருக்கிறது

வீடற்றவனுக்கு

வீடு என்ற ஒற்றைச் சொல்லே

எல்லாமாக இருக்கிறது

வியர்வையோ

ஊதக் காத்தோ

மழையோ

வீடற்ற தன்மையிலேயே

எல்லாவற்றையும்

ஒன்றென பாவித்து கடந்து விடும் அவன்

ஒதுங்கிக் கொள்ள

ஒரு வீட்டின் வெளி ஓரம் போதும் என்று

ஓடிக் கொண்டே இருக்கிறான்

*****

(நன்றி - ஆனந்த விகடன் - 05.07.2017 இதழ் - பக்கம் 62)