புல்லாங்குழல்
மனசு
கடைசிப் பேருந்தைத்
தவற விட்டவனின்
மன விசும்பல் போலிருக்கிறது
இயலாமையை எதுவும் செய்ய முடியாத
அந்தப் பொழுதுகளில்
திருவிழாவில் தொலைந்தவனின்
மனநிலையைப் போலிருக்கிறது
விஷேசங்களில் சமனின்மையைச்
சந்திக்கும் பொழுதுகளில்
ரங்க ராட்டினத்தின் உச்சியில்
ஏற்படும் பீதியைப் போலிருக்கிறது
எதிர்பாராமல் வந்து நிற்கும்
கடன் கொடுத்தவனைக்
கண்களால் பார்க்கும் பொழுதுகளில்
இவைகள் இல்லாவிட்டாலும்
வாழ்க்கை ருசிக்காது என்று
ஆறுதல் கொள்கிறது மனசு
எதிர்பாராமல் விழுந்து விட்ட துளைகளை
புல்லாங்குழலாய் மாற்றிக் கொள்பவனின்
மனநிலையைப் போல
*****
நன்றி - ஆனந்த விகடன் - 14.06.2017 இதழ் / பக்கம் - 65
No comments:
Post a Comment