பாடலின் நினைவு
பேருந்தில் கேட்ட
இளையராஜா பாடல் போல்
அடிக்கடி நினைவுக்கு
வந்தாள்
அந்தப் பாடலோடு
பேருந்தில் ஆறு நிறுத்தங்கள்
வரை
அருகில் இருந்து பயணித்தவள்.
*****
கீற்று
ஒரு நம்பிக்கையின் கீற்று
தெரியும் போது
தேனீயாக இருங்கள்
ஒரு அவநம்பிக்கையின்
கீற்று தெரியும் போது
ஞானியாக இருங்கள்
எந்தக் கீற்றும் தெரியாத
போது
அதைத் தேடாதிருங்கள்.
*****
ஆசை
அக்காவுக்கு இந்த வருடம்
நகை செய்து போட வேண்டும்
அடுத்த வருடம்
அடகு வைத்த அந்த நகையை
மீட்டுக் கொடுக்க வேண்டும்.
*****
No comments:
Post a Comment