வெளியெங்கும்... காணினும்...
பிரிவதற்கு முன்
எடுத்துக் கொண்டு செல்பி
அத்தனை கண்ணீரையும்
உடைத்துக் கொண்டு வெளியே
வந்தது!
கடைசி வாட்ஸ் அப் மெசேஜ்
அவன் தற்கொலை செய்து
கொள்வான் என்பதை
அவ்வளவு உறுதியாகச் சொல்லவில்லை!
பேஸ்புக்கில் பதிவிட்டப்
பின்
காண்டம் வாங்கச் சென்றவன்
வீரிய மருந்துகள் பற்றி
கூகுளில் தேடியிருந்தான்!
அவளை டிவிட்டரில் பாலோ
செய்தவன்
முகத்தில் ஆசிட் வீசி
முடித்தான்!
ஐபேடில் பாட்டுக் கேட்டுக்
கொண்டு
செல்பவர்கள் தலைக்கவசம்
அணிந்திருக்கிறார்கள்!
டாஸ்மாக்கில் குடித்து
விட்டு
எலைட் பாரை ஏக்கமோடு
பார்த்துக் கொண்டிருந்தவன்
குறுஞ்செய்தி அனுப்பியிருந்த
மொபைல் கம்பெனிக்காரனை
கன்னாபின்னாவென்று
திட்டிக் கொண்டிருந்தான்!
இவைகள் ஏதும் அற்ற ஒருவன்
வீடுகள் மூடுவதற்கு முன்
இரவு நேர பிச்சையைப் பெற்று
விடும்
துடிப்பில் விரைந்து கொண்டிருந்தான்!
******
No comments:
Post a Comment