ஒவ்வொரு வீடும் ஒவ்வொரு காரணமும்
சுகர்னு தெரிஞ்சிருந்தும்
லட்டை எடுத்துச் சாப்பிடுகிறார்
கொலஸ்ட்ரால் இருப்பது
புரிஞ்சும்
மட்டன்னா வெளுத்து வாங்குகிறார்
ஒவ்வொரு வீட்டிலும்
ஒவ்வொரு கதை இருக்கிறது
மஞ்சள் காமாலைன்னு அறிஞ்சிருந்தும்
டாஸ்மாக்குப் போயிடுறார்னு
புலம்புவதைப் போல.
*****
போராட்டம்
காவிரித் தண்ணிக்காகத்தானே
போராட்டம்
என்பது தெரிந்திருந்தும்
மனசு கூசாமல் கேட்கிறார்கள்
போராட்டத்தின் முடிவில்
ஆளுக்கொரு குவார்ட்டர்.
அவரும் மனம் சலிக்காமல்
வாங்கிக் கொடுக்கிறார்
கூட்டமாக ஊரிலிருந்து
பத்துப் பேராவது வந்தார்களே
என்ற திருப்தியில்.
*****
No comments:
Post a Comment