ஊர்ப் பொது டீக்கடை

அதுவரை

அவர்கள் நதிநீர் ஆணையம் அமைப்பார்கள்

அதுவரை நாம்

ஆற்று மணல் அள்ளிக் கொண்டிருப்போம்

பின்னொரு காலத்தில்

ஆற்றில் நீர் வரும் போது

மணல் வரவில்லை என்று

உச்சநீதி மன்றம் நாடி வழக்குத் தொடுப்போம்

நமது ஆட்டை நாமே

அய்யனாருக்கு அறுத்தால்

யாரும் நம் மேல் வழக்குத் தொடுக்க முடியாது

என்பது போல

நமது ஆற்றையும்

அவ்வாறே செய்து முடிப்போமாக! ஆமென்!

*****

ஊர்ப் பொது டீக்கடை

ஒரே டீக்கடையில்

மேலத்தெரு செளந்தர் பாண்டிக்கு

க்ளாஸில் டீ

கீழத்தெரு கிட்டானுக்கு

காகிதக் கோப்பையில் டீ.

*****