அவ்வபோது சில ஞாபகங்கள்

அவ்வபோது சில ஞாபகங்கள்

மழை வெள்ளம் பெருகும் போது

ஆற்றின் ஞாபகம் வருகிறது.

குடிநீர்ப் பஞ்சம் தலைவிரித்தாடும் போது

மணலின் ஞாபகம் வருகிறது.

கொளுத்தும் வெயிலில் அலையும் போது

மரத்தின் ஞாபகம் வருகிறது.

ஒரு கிலோ அரிசி விலை கேட்கும் போது

வயலின் ஞாபகம் வருகிறது.

ஞாபகங்கள் வருவதோடு சரி

அப்போதைக்கப்போது மறந்தும் போய் விடுகின்றன

பரீட்சைக்குப் படித்து வைத்த பதிலைப் போல.

*****

அன்பின் உருவம்

ஒரு கொலைக்குப் பின்

அன்பின் உருவமாக மாறியிருந்தார்

சிறையில் இருக்கும் சித்தப்பா.

*****