அழியாதது அதுவென...
எரிப்பதால் நின்று விடாது
புகையைப் போல கிளம்பும்
புதைப்பதால் புதைந்து
விடாது
விருட்சம் போல முளை
விடும்
சாதியைத் தாண்டும் காதல்.
*****
அரிவாள்களை வெட்டி விடும் வேர்கள்
யாராவது புரிய வைத்தால்
தேவலாம்
கெளரவக் கொலைகள்
கிளைகளைக் கழிக்கலாம்
வேர்களை ஒன்றும் செய்ய
முடியாது என.
*****
காணவில்லை
ஆற்றோரம் இருந்த மரத்தையும்
காணவில்லை
ஆற்றையும் காணவில்லை
மணல் அள்ளும் லாரி வந்த
பிறகு.
*****
No comments:
Post a Comment