காம்பெளண்ட் நடுதல்
நட்டு வைக்கும்
நாமே வெட்டுவோம்
எனத் தெரியாது
வாசலுக்கு முன் வளர்ந்து
நிற்கும்
வேப்ப மரத்திற்கு.
*****
வாழ்தல்
எல்லாரும் வாழ்ந்து கொண்டுதான்
இருக்கிறார்கள்
ஆனால்,
அது பிச்சைக்காரர்கள்
வாழ்வாக இருக்கிறது
பணக்காரர்கள் வாழ்வதாக
இருக்கிறது
நடுத்தர மக்கள் வாழ்வதாக
இருக்கிறது
எல்லாரும் வாழ்ந்து கொண்டுதான்
இருக்கிறார்கள்
அது பணக்காரனைப் பிச்சைக்காரனாக்கும்
பிச்சைக்காரனைப் பணக்காரனாக்கும்
எல்லாரும் வாழ்ந்து கொண்டுதான்
இருக்கிறார்கள்
என்பது புரிய உங்களுக்கு
நாளாகும்.
*****
No comments:
Post a Comment