ஆற்றாயோ தலைவி!

ஆற்றாயோ தலைவி!

தந்தையும் தாயும் வெளியில் சென்று விட்ட

தலைவி தனித்திருந்த இல்லத்தின்

ஒரு பொழுதில்

பசும்பாசிகள் அப்பிக் கிடந்த

ஏறிக் குதித்த சுவரைக் காறி உமிழ்ந்து விட்டு

சப்போட்டா பழம் போல்

துரு பிடித்துக் கிடந்த முன்கேட்டின் வழியே

பித்த நரையின் நிறமொத்த

மல்லிகையோடு சென்ற தலைவனை

காண்டம் வாங்கி வராததற்காய்த்

திட்டித் தீர்த்தாள்

நெடுநாளாய் மாயத்திரையில்

களவு வளர்த்து கனவு கண்டு

காக்கையைச் சுடும் குறவன் போல்

காலம் பார்த்திருந்த தலைவி

தன் ஆற்றாமை தீராதவளாய்!

******