கடவுளின் சிரிப்பு
சிறுத்த மார்பகம்
பெருத்த மார்பகமாய் வேண்டும்
என ஒருத்தியும்
மார்பு பெருத்த ஒருத்தி
சிறுத்த மார்பகம் வேண்டும்
என்றும்
ஒரே வாசல் வழி
ஒரு ப்யூட்டி பார்லருக்குள்
நுழைந்ததும்
இருவர் விருப்பத்தையும்
நிறைவேற்றுவதாகச் சொன்ன
ப்யூட்டி பார்லர் ஊழியரைப்
பார்த்து
சுவரில் தொங்கிக் கொண்டிருந்த
கடவுள் சிரித்தார்
இருவர் விருப்பத்தையும்
அவரவர் விருப்பத்திற்கேற்ப
இவளுக்கு உள்ளதை அவளுக்கும்
அவளுக்கு உள்ளதை இவளுக்கும்
மாற்றி வைக்க முடியாத
தன் இயலாமையை நினைத்தபடி.
*****
No comments:
Post a Comment