கடைசி ஆசை
எப்படியும் விற்கத்தான்
போகிறோம்
என்பது தெரிந்தும்
"விலை கம்மியா கேட்டாலும்
பரவாயில்ல
விவசாயம் பண்ணணும்னு
கேட்குற
பரமசிவத்துக்கே
பத்து ஏக்கரா
தெக்குக் காட்டையும்
கொடுத்திடுங்க!"
என்ற கடைசி ஆசையோடு
கண் மூடினார் அப்பா.
*****
கூட்டணி
செய்திச் சேனல் பிடிக்காமல்
பேப்பர் படிக்கும் தாத்தா
பேரனுக்காக மட்டும்
அவ்வபோது சேர்ந்து கொள்கிறார்
போகோ சேனலில்.
*****
No comments:
Post a Comment