நாற்சந்தியின் நிறம் சிவப்பு

பார்க்க நேரமில்லை

ஓங்கி அறைந்தான்

பையிலிருந்து நிதானமாக

கத்தியை எடுத்தான்

ஓங்கிக் குத்தினான்

கழுத்தை அறுக்க ஆரம்பித்தான்

உடல் துடிக்க ஆரம்பித்தது

அதற்கு மேல் பார்க்க நேரமில்லை

ரயில் வந்து விட்டதால்

அனைவரும் கிளம்பி விட்டோம்.

*****

நாற்சந்தியின் நிறம் சிவப்பு

பார்ப்பதற்கு திரைப்படப் படப்பிடிப்பு

போலிருந்த

நான்கு பேர் ஓடி வந்து

முன்னால் ஓடி வந்த

ஒருவனை சரமாரியாக வெட்ட

கிளியின் மூக்கை ஒத்த

பட்டுத் தெறித்த

ரத்தச் சிவப்பில்

அன்றிலிருந்து

அந்த இடத்தை மாற்றிக் கொண்டான்

கிளி ஜோசியக்காரன்.

*****