அதிசயம்

அதிசயம்

வீடுகள் மூழ்கி

நடந்த சாலை மேல்

படகில் மிதந்து

எங்கும் ஓடி தண்ணீருக்கு மத்தியில்

தாகத்தால் தவித்து

பாம்பும், முதலையும்

பயணித்து வந்த பசித்தப் பொழுதுகள் கடந்து

இன்று

ஆலங்கட்டி மழையைக் காண்கையில்

ரசிக்கிறாள் மகள்,

"அம்மா! மழை! மழை!

இப்படியே இது பேய்ஞ்சு

வீடெல்லாம் பனிக்கட்டியில மூழ்குனா

எப்படி இருக்கும்?"

*****

வலி

வலியைப் பொருட்படுத்தாமல்

மலையேறியவருக்கு

இறங்கி வந்த போது

நீங்கியிருந்தது முட்டி வலி.

*****